ЖЕРНОВСКИ ГО ЧЕКА ДОГОВОРОТ СДСМ – БЕСА ДАЛИ ЌЕ БИДЕ ЗАМЕНИК МИНИСТЕР ЗА НАДВОРЕШНИ РАБОТИ

    ЖЕРНОВСКИ ГО ЧЕКА ДОГОВОРОТ СДСМ – БЕСА ДАЛИ ЌЕ БИДЕ ЗАМЕНИК МИНИСТЕР ЗА НАДВОРЕШНИ РАБОТИИако на поранешниот градоначалник на скопската Oпштина Центар Андреј Жерновски, кој од ЛДП премина во СДСМ, му беше ветено дека во евентуална реконструкција ќе биде заменик министер за надворешни работи, неофицијално, тоа место сега ќе го добие крилото на Африм Гаши од Беса; - Андреј Жерновски и Зоран Заев (Фото: Ѓ. Личовски)

    Премиерот Зоран Заев уште ги нема доставено биографиите на новите министри и заменици на министри до Собранието. Тој вчера изјави дека кога ќе ги собере биографиите на новите функционери ќе ги достави до Собранието.

    Неофицијално, пратеникот на СДСМ Петар Атанасов е кандидат за заменик министер за образование на местото на Арбр Адеми од ДУИ, кој од заменичкото место, седнува во министерската фотелја.

    Иако на поранешниот градоначалник на скопската Општина Центар Андреј Жерновски, кој од ЛДП премина во СДСМ, му беше дека ветено во евентуална реконструкција ќе биде заменик министер за надворешни работи, неофицијално, тоа место сега ќе го добие крилото на Африм Гаши од Беса.

    Движењето Беса од крилото на Африм Гаши, покрај Министерството за култура, ги добива и заменичките места во труд и социјална политика и министерството за надворешни работи, а ДПА заменичкото место во транспорт и врски.

    ДПА ќе раководи и со Министерството за странски инвестиции. Партиски извори велат дека нов министер за странски инвестиции ќе биде Бардуљ Даути, поранешен пратеник и кандидат на ДПА за градоначалник на Тетово на локалните избори. Професорот на универзитетот ФОН, Митасим Беќири е кандидат за заменик министер во транспорт и врски.

    Извесно е дека ресорите образование и правда ќе ги разменат СДСМ и ДУИ. Рената Тренеска Дескоска од министер за образование од СДСМ оди во Министерството за правда, а во образование оди Арбр Адеми, сегашен заменик министер за образование од ДУИ.

    Роберт Алаѓозовски заминува од министер за култура. На негово место треба да седне Асаф Адеми, кадар на Движењето Беса од крилото на Африм Гаши, кој беше кандидат за градоначалник на Беса за Гостивар, неофицијално потврдија од партијата.

    Г. ТРПЕНОСКИ

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира