Претседателот Емануел Макрон не ги криеше своите емоции по триумфот на Франција во финалето на Светското првенство во Русија.

(Фото: Ројтерс)

Иако седеше во ВИП-ложата на стадионот „Лужники“, тој скокаше од радост како и секој друг навивач, на мечот на којшто Франција ја совлада Хрватска со 4:2, за да ја освои својата втора светска титула, две години по разочарувачкиот пораз од Португалија во финалето на Европското првенство на домашен терен.

Макрон ги гушна и бакна сите француски играчи на церемонијата на доделувањето на медалите и пехарот, иако во тој момент се отвори небото над Москва и почна да врне. Тој им се придружил на фудбалерите на веселбата и во соблекувалната.

Во исто време, Французите масовно излегоа на улиците на градовите за да го прослават големиот триумф.

(Фото: Гети)

Монпелје (Фото: АФП)