Бугарскиот премиер Бојко Борисов е последниот на листата политичари кои се заразија со коронавирус.
„После два ПЦР-теста, позитивен сум на ковид-19“, објави Борисов на Фејсбук додавајќи дека имал благи симптоми и дека ќе остане во самоизолација во неговиот дом.
Борисов и тројца министри од неговата Влада од петокот се во изолација, откако заменик-министерот Николај Нанков со кој тие биле во контакт, имаше позитивен тест на коронавирус.
Бугарија, како и повеќе земји од Европската Унија забележува висок раст на нозоаболени од ковид-19. Во земјата со 7 милиони жители, во саботата беа пријавени 1.589 нови случаи, со што вкупно заболеа 36. 519.
Главниот град Софија, од денеска на две недели ги затвора ноќните клубови и дискотеки. Градоначалничката Јорданка Фандакова ги повика универзитите да се префрлат на онлајн настава и сите кои можат да работат од дома.
