Нов Зеланд денеска ги пречека туристите од САД, Канада, Велика Британија, Јапонија и повеќе од 50 други земји за првпат по повеќе од две години, откако ги отфрли повеќето од преостанатите ограничувања за патувања поради пандемијата.

Земјата одамна е позната по своите неверојатни пејзажи и авантуристички туристички понуди, како што се скокање и скијање. Пред ширењето на коронавирусот, повеќе од 3 милиони туристи ја посетуваа секоја година, што е 20% од странскиот приход на Нов Зеланд и повеќе од 5% од целокупното стопанство.

Но, меѓународниот туризам целосно престана на почетокот на 2020, откако Нов Зеланд воведе едни од најтешките ограничувања за влез и излез од земјата во светот.

Правилата за влез останаа на сила бидејќи владата најпрво спроведуваше стратегија за елиминација, а потоа се обиде строго да го контролира ширењето на вирусот. Ширењето на омикрон и вакцинациите на повеќе од 80% од 5-милионското население на Нов Зеланд поттикна постепено олеснување на ограничувањата.