Рускиот опозициски лидер Алексеј Навални, кој организираше бран протести против владината корупција што ја потресоа власта, беше осуден на 15 дена притвор од Судот во Москва поради одбивањена полициски наредби. Навални беше уапсен вчера откако одеше на протест во Москва и ја помина ноќта во затвор пред да оди на суд.

Десетици илјади антикорупциски демонстранти вчера излегоа на улиците во Русија, во најголем знак на пркос од антивладините протести 2011-2012. Портпаролот на рускиот претседател Владимир Путин денеска ја критикуваше опозицијата за изложување на ризик на животите на луѓето во неодобрените протести, и ја бранеше акцијата на руската полиција, која критичарите ја нарекоа несмасна и насилна.

Новинарите и поддржувачите денеска ја преполнија судницата во центарот на Москва, каде што беше донесен Навални. Тој испратени самолик на Твитер од таму, велејќи: “Ќе дојде време кога и ние ќе им судиме – и тогаш ќе биде фер”.

40-годишниот Навални, најпопуларниот, харизматичен лидер на опозицијата во Русија, два пати беше осуден за измама и проневера, обвиненија што ги отфрли како политички мотивирани. Навални, кој во моментов е на издржување на условна казна, неодамна објави дека ќе се кандидира на претседателските избори во Русија до 2018 година.