Јавното обвинителство на Скопје вели дека ги следи состојбите со набавките на гориво за потребите на автобусите на ЈСП „Скопје“ и на Финансовата полиција ѝ дало насоки како да постапува.  Скопје, приградските населби и скопските села се паралиризирани втор ден, поради тоа што вчера ЈСП снема нафта. Но, Бирото за јавни набавки кажа дека и тоа што претходно било набавено преку јавни набавки спроведени од ЈСП, не било во законска процедура.

Управата за финансова полиција постои токму за да ги истражува ваквите тендери, исто како и МВР, и да му даваат податоци на обвинителството. Тие се органи на откривање и не треба некој да ги тера да работат.

Владата за денеска во 14 закажа итна седница за да се реши проблемот, откако истата власт и мнозинство на ниво на Град Скопје, со месеци и години блокира набавка на нови автобуси, а притоа не нуди решение за катастрофалната состојба со јавниот превоз во градот. Исто така, итна седница во 18 часот закажа и Советот на Град Скопје, каде мнозинството го има ВМРО-ДПМНЕ.

Градоначалничката Данела Арсовска победи на локалните избори како кандодатка на ВМРО-ДПМНЕ.

С. К. ДЕЛЕВСКА