Германија и Италија се подготвени да ја прошират одбранбената и економската соработка, вклучително и со зголемување на соработката во производството на оружје и спроведување повеќе заеднички воени вежби, според договорот потпишан од лидерите на двете земји во Рим. Како што се согласија канцеларот Фридрих Мерц и премиерката Џорџа Мелони, Берлин и Рим треба да ги здружат силите во производството на беспилотни летала, поморски бродови, подводни системи и системи за воздушна и ракетна одбрана.

Тие имаат за цел и да ја продлабочат соработката во развојот на системи за електронско војување и воздушна борба. Мерц и Мелони, исто така, потпишаа нова верзија на акциониот план од 2023 година за соработка во области кои се движат од прашањата за внатрешна безбедност до миграцијата и културното наследство.

Германија бара поблиски односи со Италија во време кога врските со традиционалниот сојузник Франција се малку затегнати. Кон крајот на минатата година, Берлин и Париз ја одложија на неодредено време одлуката за Идниот борбен воздушен систем (ФЦАС), заедничка европска иницијатива за воздушна одбрана. Ако се реализира, ФЦАС би бил најголемиот и најскапиот европски проект за вооружување. Покрај Германија и Франција, сака да учествува и Шпанија.