Премиерот Христијан Мицкоски денеска кажа дека здравствената состојба на градоначалникот на Општина Карпош, Сотир Лукровски, бара мирување. Ова го кажа одговарајќи на новинарско прашање зошто Лукровски уште не доаѓа на работа, иако комисиското боледување му беше до 30 мај.
„Јас како што знам, Сотир Лукровски е градоначалник на Карпош. Здравствената состојба е таква каква што е и бара мирување, се надевам дека сè ќе биде во ред и ќе се врати на редовно извршување на работите“, одговори Мицкоски при посетата на Институтот за јавно здравје.
- ГРАДОНАЧАЛНИКОТ ЛУКРОВСКИ НЕ ДОЈДЕ НА СВЕЧЕНОТО ОТВОРАЊЕ БАЗЕН ВО КАРПОШ, УШТЕ Е НА БОЛЕДУВАЊЕ
- ЛУКРОВСКИ Е НА ШОПИНГ-ТЕРАПИЈА, РЕЧЕ ЈАКИМОВСКИ И ГО ПОВИКА КЛЕКОВСКИ ДА ГИ ПРОВЕРИ КАМЕРИТЕ ВО „СИТИ МОЛ“ ЗА БОЛЕДУВАЊЕТО НА ГРАДОНАЧАЛНИКОТ НА КАРПОШ
- САМО РАБОТОДАВАЧОТ ЛУКРОВСКИ МОЖЕ ДА ПРОВЕРИ ВО ФЗО ДАЛИ Е ЛАЖНО БОЛЕДУВАЊЕТО НА ГРАДОНАЧАЛНИКОТ ЛУКРОВСКИ
Лукровски е на боледување еден месец и го заменува заменик-градоначалникот Неделчо Крстевски, кој е член на Советот на Општина Карпош од редовите на ВМРО-ДПМНЕ. Крстевски се појавува на сите настани поврзани со работата на Општината, а снима и видеа за тоа што е сработено, кои се објавуваат на социјалните мрежи.
Ексградоначалникот Стевчо Јакимовски на 26 мај на прес-конференција изјави дека Лукровски боледува од неработење и неодговорност и оти се шета низ трговскиот центар „Сити мол“ додека му трае боледувањето.
- ЛУКРОВСКИ НЕ ПОДНЕЛ ОСТАВКА, ТУКУ Е НА БОЛЕДУВАЊЕ, ВЕЛАТ ОД ОПШТИНА КАРПОШ
-
ВМРО-ДПМНЕ ГО СТАВИ ЛУКРОВСКИ ВО КУЌЕН ПРИТВОР, ВЕЛИ ЕКСГРАДОНАЧАЛНИКОТ ЈАКИМОВСКИ
„Во Македонија се појави нова медицинска гранка, ниту е кардиологија, ниту е неврологија, ниту е психијатрија. Во Македонија изгледа се појави таа нова медицинска гранка што се вика ‘шопинг-медицина’. Новата терапија, очигледно, се спроведува околу ‘Сити мол’ и во ‘Сити мол’. Малку во ‘Ејч енд ем’, малку во ‘Зара’, па покрај ‘Нептун’ до горните гаражи, па оттука на комисиско боледување. И сето тоа на товар на граѓаните“, рече тогаш Јакимовски.
А. АНТЕВСКА
