СЕ ПОСТАВУВА НОВОГОДИШНАТА ДИГИТАЛНА ЕЛКА НА ПЛОШТАДОТ МАКЕДОНИЈА ВО СКОПЈЕ

    СЕ ПОСТАВУВА НОВОГОДИШНАТА ДИГИТАЛНА ЕЛКА НА ПЛОШТАДОТ МАКЕДОНИЈА ВО СКОПЈЕЕлката и годинава како и лани ќе биде дигитална, односно нема да биде со светилки во една боја туку ќе се менува во различни нијанси и бои.(Фото: К. Попов)

    На Плоштадот Македонија во Скопје почна поставувањето на новогодишната елка. Таа и годинава како и лани ќе биде дигитална, односно нема да биде со светилки во една боја туку ќе се менува во различни нијанси и бои.

    Според најавите од Градот, Скопје ќе биде украсено и ќе се светне во новогодишни бои до 5 декември. Покрај Плоштадот Македонија, украсени ќе биде и главните улици и булевари низ градот. Годинава нема да се организира новогодишната манифестација „Винтерленд“, ниту ќе има прослава за дочек на Нова година.

    Градоначалникот Петре Шилегов пред два дена за САКАМДАКАЖАМ.МК изјави дека и покрај коронакризата, градската власт не се откажува од празнична, новогодишна атмосфера низ улиците и плоштадите во главниот град, бидејќи на тој начин ќе се врати надежта и насмевките на лицата на граѓаните, особено на децата.

    „Оваа година, на нашите дечиња им е одземено многу, детството, училишната година, играта со другарчињата, радоста. Сметам дека во оваа тешка година и мрачно време во коешто живееме, не треба на светол момент како што е Нова година да останеме неми. Немаме право да го направиме тоа, немаме право да им ја одземе надежта и радоста на граѓаните и децата“, изјави градоначалникот Шилегов.

    Тендерот за новогодишно украсување на градот чини 200.000 евра.

    А. АНТЕВСКА

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира