Петре Шилегов, кандидат на коалицијата предводена од СДСМ за градоначалник на Скопје, според најновите неофицијални резултати победи во прв круг на локалните избори шго се одржаа вчера.

Според првичните неофицијални резултати објавени на веб страната на Државната изборна комисија (ДИК), Шилегов освои 133.264 гласови или 50,26%, наспроти 95.155  или 35,89% колку што освои кандидатот на ВМРО-ДПМНЕ и актуелен градоначалник Коце Трајановски. Ова се резултати од 652 избирачки места од вкупно 685.

Се очекува ДИК во 14 часот да ги соопшти првичните резултати од гласање за локалните избори.