Поранешната амбасадорка на Холандија во Македонија, Симоне Филипини, дојде пред Сецијалното јавно обвинителство (СЈО) да им даде поддршка на антивладините демонстранти. Тие се собираат од сите страни. Ги има повеќе од вообичаено на зборното место.
Специјална единица за боење пристигна меѓу првите. Вечерва промовира ново име – Единица за боење антика и чаталење. Налепница со новото име на единицата е залепена на комбето кое ја вози муницијата и разгласот на шарените. На друга напленица пишува „Нозете на Грујо нов чатал“.
„Шарени сме убави, слатки ко бонбони“ пишува вечерва на централниот транспарент на Шарената револуција. И вечерва, како и вчера, демонстрантите не ја откриваат трасата по која ќе се движат. Се уште чекаат знак за старт пред СЈО.
„Со секое нивно заплашување стануваме побројни, похрабри и поистрајни во борбата. Нашите другари, борци за човекови права, се’ уште се држат во притвор, а останати демонстранти се приведуваат и легитимираат. Но, тоа нема да не’ спречи и нема да ја намали одлучноста која секојдневно се гледа низ улиците. Како што не може да се уништи идеја, така не може да се угуши разбудениот граѓански револт. Промената за која се зборува е веќе тука, таа промена сме ние, освестените граѓанки и граѓани. Тука сме, остануваме на улица до целосно разрешување на кризата и ќе бидеме тука и при градењето на новите демократски вредности. Ќе има првда, ќе има мир! Се’ до тој ден, се гледаме на улица. Секој ден во 6. СЈО“, ставија на Фејсбук профилот организаторите од „Протестирам“.
Коментари