СИТЕ БУГАРСКИ БАРАЊА, ОСВЕН НЕПОСТОЕЊЕТО НА МАКЕДОНСКИОТ ЈАЗИК, ВЛЕГУВААТ ВО ПРЕГОВАРАЧКАТА РАМКА ЗА ЕУ

    СИТЕ БУГАРСКИ БАРАЊА, ОСВЕН НЕПОСТОЕЊЕТО НА МАКЕДОНСКИОТ ЈАЗИК, ВЛЕГУВААТ ВО ПРЕГОВАРАЧКАТА РАМКА ЗА ЕУОд телефонскиот разговор на Ковачевски со Макрон на 18 мај годинава. (Фото: Влада на РСМ)

    Македонија самата прифаќа да го смени Уставот, со што Бугарите ќе бидат вметнати во Преамбулата, до ефективниот почеток на преговорите со ЕУ за да се дигне ветото за првата меѓувладина конференција, дознава САКАМДАКАЖАМ.МК од диломатски извори кои го виделе предлогот на француското претседателство, но не можат да зборуваат официјално. Тоа значи дека ветото и да биде дигнато, тоа ќе биде симболичлен почеток на преговори, но нема да има отварања поглавја додека во Македонија не се смени Уставот по барање на земја – членка на ЕУ.

    Премиерот Димитар Ковачевски попладнево рече дека Македонија не го добила предлогот.

    Во овој предлог за преговарачката рамка на француското претседателство, фактички се прифаќаат сите барања на Бугарија, освен барањето за непостоењето на македонскиот јазик. Прашањата што се поврзани со образование и историја се изедначуваат со прашањата што се од фундаментално значање на ЕУ, поглавјата 23 и 24 што се однесуваат на човекови права и владеење на правото.

    Тоа значи дека барањата на Бугарија за негирање на македонскиот идентитет до 1944 година влегуваат во преговарачката рамка меѓу ЕУ и Македонија, а гаранциите што Софија ги бара од ЕУ ќе се ефектуираат со мониторирање од Европската комсија која ќе следи како ќе се одвиваат билатералните преговори меѓу Македонија и Бугарија.

    Тоа значи дека Бугарија може во секој момент да стави кочница за на евроинтергративниот процес.

    Во Бугарија беше најавено дека францускиот предлог ќе се разгледува во Собарнието на Комисијата за надоврешна политика.

    Во Македонија власта тврди дека уште го нема видено предлогот.

    „Ние немаме добиено предлог за деблокирање на проширувањето на ЕУ кое вклучува решенија што произлегуваат од нашите разговори со Бугарија којшто е усогласен со сите земји членки на ЕУ“, рече поплалднево премиерот Ковачевски како одговор на новинарско прашање на прес-конфереција на Преспа форумот за дијалог во Охрид.

    Ковачевски посочи дека во разговорите со Бугарија зазеде став и пристап за изнаоѓање на достоинствено решение коешто ќе се базира на европските вредности и како владејачка коалиција во ниту еден момент овој процес не бил политизиран и инструментализиран за дневно политичка употреба и добивање на еднократни политички поени.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира