Градоначалничката на Град Скопје Данела Арсовска го разреши од функција директорот на ЈП „Комунална хигиена“ Зуди Енуз, кој е од коалициониот партнер на ВМРО-ДПМНЕ, Алијанса за Албанците. Разрешувањето доаѓа откако лидерот на ВМРО-ДПМНЕ Христијан Мицкоси вечерва кажа дека вооружено лице сакало да го убие за време на протестот против францускиот предлог, а станува збор за Цуфи Кока, брат на директорот Енуз Кока .
Во соопштението од кабинетот на градоначалничката Арсовска се вели дека Град Скопје како град на соживот и солидарност не смее да биде центар на насилство и пресметки со огнено оружје и креирање меѓуетнички тензии.
„Политиката зема замав и во ниту еден случај не смее да влијае на професионалноста на водењето на институциите. И покрај одличното и професионално менаџирање со ‘Комунална Хигиена‘ од страна на Зуди Енуз, сепак мојот етички кодекс не дозволува тој да продолжи да раководи со претпријатието. Затоа истиот е разрешен од позицијата вршител на должност“, вели Арсовска.
Братот на директорот Енуз, кој беше со пиштол во раката, е дел од групата која околу 20 часот кај плоштадот Скендербег ги нападна со камења, шишиња и други тврди предмети демонстрантите кои маршираа од Влада до МНР кон Собранието. Мицкоски и дел од сопартијцие од ВМРО-ДПМНЕ маршираше заедно со демонстрантите. Од МВР соопштија дека лицето вечерва е приведено во полициска станица.
Тој кажа дека Кока бил главен за кампањата во Чаир на градоначалничката на Скопје Данела Арсовска поддржана од ВМРО-ДПМНЕ
Според објави на Фејсбук на Цуфи Кока, тој е активист на Алијанса за Албанците, коалиционен партнер на ВМРО-ДПМНЕ.
Одговарајќи на новинарско прашање за политичката припадност на приведениот, Мицкоски на вечерашната прес-конференција рече дека не го интересира дали е член или не на Алијанса за Албанците и побара да не се политизира работата.
„Да не ја политизираме работата. Да бидеме над политиката и да бидеме над оние политичари кои повикуваа на етнички тензии. Дали е член или не е, не ме интересира. Овој човек стори криминал, впери пиштол кон народ и треба да одговара“, рече Мицкоски.
Пратеникот и портпарол на СДСМ Дарко Каевски на прес-конференција веднаш по онаа на Мицкоски кажа дека инцидентот кај плоштадот Скендербег е смислено крваво сценарио на Мицкоски и ВМРО-ДПМНЕ, Левица и Алијанса за дестабилизација и инсценирање на меѓуетнички судир во земјава. Тој кажа дека Кока бил главен за кампањата во Чаир на градоначалничката на Скопје Данела Арсовска поддржана од ВМРО-ДПМНЕ.
А. АНТЕВСКА
