ДЕЦАТА БОЛНИ ОД ЦИСТИЧНА ФИБРОЗА ПАК ЌЕ ПРИМААТ ПАРИЧНА ПОМОШ ЗА ЛЕКУВАЊЕ, ПО РЕАКЦИЈАТА НА ОМБУДСМАНОТ

a:1:{s:9:"td_source";s:45:"Скопје,(САКАМДАКАЖАМ.МК)

ДЕЦАТА БОЛНИ ОД ЦИСТИЧНА ФИБРОЗА ПАК ЌЕ ПРИМААТ ПАРИЧНА ПОМОШ ЗА ЛЕКУВАЊЕ, ПО РЕАКЦИЈАТА НА ОМБУДСМАНОТ

Лицата со цистична фиброза од вчера се вратени во Правилникот за оцена на видот и степенот на попреченост на лицата во менталниот или телесниот развој и тие пак ќе имаат право на месечен паричен надомест за лекувањето на оваа неизлечлива болест. Таа помош, како што објави САКАМДАКАЖАМ.МК,  на овие лица им беше ускратена на почетокот на годинава, поради што Народниот правобранител Иџет Мемети покрена иницијатива пред министерствата за труд и социјала, за здравство и за образование за измена на Правилникот и за враќање на надоместокот што го примаа семејствата на овие тешко болни лица, за барем делумно да ги покрие превисоките трошоци за лекување и продолжување на животот на овие болни.

Измената на Правилникот ја изврши надлежното Министерство за труд и социјална политика и таа излезе во Службен весник во вчерашниот број.

Измената е направена во членот 11 од Правилникот, каде е наведено дека покрај лицата со срцеви заболувања, хемофилија, дијабетес, леукемија и другите, за лице со најтешки облици на хронично заболување и сериозно нарушена здравствена состојба се смета и лице со цистична фиброза. Многу е важно лицата со цистична фиброза да се во овој член од Правилникот, бидејќи во спротивно, не може да земаат парична помош за прескапиот третман кој не се однесува само на специфичните лекарства и инхалации, туку и на специфичната исхрана која мора да ја земаат секој ден за да го продолжат колку-толку животот.

Просечниот животен век на лицата со цистична фиброза во Македонија е само 12 години, а во светот околу 30. Сега, со најновите методи на лекување преку клетките, што пионерски почна да се спроведува во Франција, се оди кон продолжување на животот на овие тешко болни лица и до 50 години.

Во Македонија на годишно ниво се регистрирани околу 120 вкупно болни лица од цистична фиброза.

ЧИТАЊЕТО Е БЕСПЛАТНО.

АМА НОВИНАРСТВОТО НЕ Е.

Поддржете го слободното, независно, професионално новинарство. Новинарство со интегритет.

Симнете ја мобилната апликација

©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира