НЕМА КОРОНАВИРУС И ТРЕТОТО ЛИЦЕ КОЕ ДОШЛО НА ТЕСТИРАЊЕ НА ИНФЕКТИВНА КЛИНИКА

    НЕМА КОРОНАВИРУС И ТРЕТОТО ЛИЦЕ КОЕ ДОШЛО НА ТЕСТИРАЊЕ НА ИНФЕКТИВНА КЛИНИКАМинистерот Филипче апелираше до сите граѓани кои доаѓаат од критичните места точно да одговараат на прашањата на граничните полицајци и на вработените во царина;- Сите патници кои пристигнуваат на Скопскиот аеродром се скенираат на местото каде што се влегува во делот за царина. (Фото: Ѓ. Личовски)

    Ниту третoто лице кое синоќа околу 22 часот дошло на Клиниката за инфективни болести, не е заболено од коронавирусот, потврди министерот за здравство Венко Филипче. Доцна синоќа, патничка која во понеделникот се вратила од Милано во Скопје со авионот на компанијата „Визер“, дошла на тестирање на Инфективна клиника.

    „Резултатите на пациентката која беше тестирана на коронавирус на Инфективната клиника во Скопје се негативни. Ја следиме ситуацијата, постапуваме согласно протоколите на СЗО и продолжуваме редовно да ја информираме јавноста“, објави доцна синоќа министерот Филипче на неговиот профил на Фејсбук.

    Од понеделникот до сега, три лица се јавија на Инфективната клиника за да направат тестирања дали се заразени од коронавирусот бидејќи патувале во Италија, односно во Дубаи, и почувствувале одредени симптоми на болеста. Разултатите покажале дека сите имале обичен грип.

    Министерството за здравство вчера објави листа со 14 телефонски броеви за контакт по пристигнување во територијата на Македонија и за пријавување при сомнителни симптоми налик на коронавирусот. Листата е поделена по региони, а се покрива територијата на целата држава.

    Министерот Филипче апелираше до сите граѓани кои доаѓаат од критичните места точно да одговараат на прашањата на граничните полицајци и на вработените во царина.

    А. АНТЕВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари