ПАРТИСКИТЕ ЛИДЕРИ В ЧЕТВРТОК НА КООРДИНАЦИЈА ВО ВЛАДАТА ЗА ЕВЕНТУАЛНО ОДЛОЖУВАЊЕ НА ИЗБОРИТЕ ПОРАДИ КОРОНАВИРУСОТ

    ПАРТИСКИТЕ ЛИДЕРИ В ЧЕТВРТОК НА КООРДИНАЦИЈА ВО ВЛАДАТА ЗА ЕВЕНТУАЛНО ОДЛОЖУВАЊЕ НА ИЗБОРИТЕ ПОРАДИ КОРОНАВИРУСОТНа координацијата кај Спасовски поканети се лидерите на СДСМ, ВМРО-ДПМНЕ, ДУИ, БЕСА, ДПА, Алијанса за Албанците и Алтернатива-Од лидерската средба кај претседателот Стево Пендаровски на која беше договорено предвремени парламентрани избори да се одржат на 12 април. (Фото: СДК.МК.)

    Техничкиот премиер Оливер Спасовски в четврток закажа средба со лидерите на политичките партии заради коронавирусот и евентуално одложување на изборите доколку дојде до негово ширење. Од Владата велат дека на координацијата кај Спасовски се поканети лидерите и плус уште еден претставник на партиите СДСМ, ВМРО-ДПМНЕ, ДУИ, БЕСА, ДПА, Алијанса за Албанците и Алтернатива.

    „Координација на претставници на политичките партии е закажана во врска со реализацијата на владините мерки за справување со коронавирусот“, изјавија од Владата за САКАМДАКАЖАМ.МК

    Вечерва лидерот на ВМРО-ДПМНЕ Христијан Мицкоски на прес-конференцијата за објавување на носителите на листите и кандидатите за пратеници, кажа дека не сака да дава хипотетички одговори дали треба да се одложат изборите заради коронавирусот

    „Имаме лидерска средба закажана в четврток, да разговараме за ова што денес е реалност односно за КОВИД-19, па дури потоа ќе можеме да носиме заклучоци што и како“, рече Мицкоски.

    Во Владата се одржа брифинг со главните уредници на дваесетина медиуми на кој се отвори и прашањето дали ширењето на заразата може да ги одложи изборите на 12 април.

    „Ако дојде до зголемување на бројот на случаи ќе се преземат и други дополнителни мерки како што е прогласување кризна состојба, но засега нема потреба од тоа. Состојбата се следи и во моментов најважно е да се спречи натамошното ширење на вирусот“, одговорија од Владата.

    Предвремените парламентарни избори се закажани за 12 април, а почетокот на изборната кампања е на 23 март.

    А. АНТЕВСКА

     

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира