СЕДУМ ДИСКОТЕКИ НЕМАА ЛИЦЕНЦИ ЗА РАБОТА, РЕЧЕ ЗАЕВ ЗА АКЦИЈАТА НА МВР ВИКЕНДОВ

    СЕДУМ ДИСКОТЕКИ НЕМАА ЛИЦЕНЦИ ЗА РАБОТА, РЕЧЕ ЗАЕВ ЗА АКЦИЈАТА НА МВР ВИКЕНДОВПремиерот Заев вели дека ако има слабост во делот на постапувањето на полицијата тоа ќе биде санкционирано, досега нема доказ за тоа. (Фото: К. Попов)

    Има реакции за акцијата на полицијата во саботата вечерта кога беа приведени неколку лица и беше извршена контрола во седум ноќни клубови во Скопје, но тоа покажува дека законот важи за сите, рече премиерот Зоран Заев, на денешната собраниска седница за пратенички прашања.

    Премиерот Заев кажа дека никој не зборува зошто било пронајдено оружје без дозвола и дека е најдена дрога.

    „Седум дискотеки немаа лиценци за работа. Се пронајдоа пиштол и дрога. И мои пријатели и пратеници од власта реагираа за акцијата. Тоа докажува дека законот важи за сите. Испративме апел забелешки да дадат и сопствениците на објектите и граѓаните на постапките на полицијата. Но, не можете да гарантирате безбедност ако нема внимателен пристап. Акција е спроведена од 47 полицајци. Се работи за огромни маси на граѓани. Во еден објект имаше околу 5 илјади луѓе. Ако има слабост во делот на постапувањето на полицијата тоа ќе биде санкционирано, досега нема доказ за тоа“, рече Заев.

    Г. ТРПЕНОСКИ

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари