ЕУ ВО ЈУНИ ЌЕ ГИ ОБЈАВИ ПРЕГОВАРАЧКИТЕ РАМКИ ЗА МАКЕДОНИЈА И АЛБАНИЈА, ПОТВРДИ ЕВРОКОМЕСАРОТ ЗА ПРОШИРУВАЊЕ ВАРХЕЈИ

    ЕУ ВО ЈУНИ ЌЕ ГИ ОБЈАВИ ПРЕГОВАРАЧКИТЕ РАМКИ ЗА МАКЕДОНИЈА И АЛБАНИЈА, ПОТВРДИ ЕВРОКОМЕСАРОТ ЗА ПРОШИРУВАЊЕ ВАРХЕЈИЕврокомесарот за проширување Оливер Вархеји потврди дека во јуни ќе се објават преговарачките рамки за Македонија и Албанија, додека извештаите за реформскиот напредок на земјите од Западниот Балкан се одлагаат за септември. (Фото: ЕУ)

    Еврокомесарот за проширување Оливер Вархеји, попладнево пред Комисијата за надворешни работи на Европскиот Парламент потврди дека извештаите за реформскиот напредок на земјите од Западниот Балкан се одлагаат за септември, но не и преговарачките рамки за Северна Македонија и Албанија, јави дописничката на МИА од Брисел.

    Веќе неколку дена се шпекулира во Брисел дека извештаите ќе бидат одложени за наесен, ова Вархеји го потврди денеска и нагласи дека фокусот на Европската Комисија е пред сѐ свртен кон Скопје и Тирана.

    „Работиме деноноќно со КОВИД-19 и со оглед на тоа дека е тешко да се предвиди каква ќе биде економската состојба, исто е тешко да се види како ќе се испорачаат реформите, затоа што, се разбира, КОВИД-19 ја кочи работата. Сакаме да излеземе со суштински извештај, добар извештај кој ќе даде проценка за напредокот. Мојот фокус сега е повеќе на преговарачките рамки за двете земји, Северна Македонија и Албанија. И тоа што можам да го кажам е дека овие ќе бидат објавени во јуни. И мислам дека ова е клучен дел за да го задржиме моментот што се создаде, изјави Вархеји пред европратениците.

    Во однос на преговарачките рамки, тој посочи дека тие ќе бидат придружени од проценка за реформскиот напредок.

    „Ќе излеземе наскоро и се надевам до септември, зависно од агендата, со вообичаениот пакет, пакетот за проширување. И се надевам исто да излеземе со планот за инвестиции и економски развој за Западниот Балкан во септември, изјави еврокомесарот за проширување.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира